Свободный Профсоюз Металлистов
Свободный Профсоюз Металлистов
Организация независимого профсоюзного движения
Членская организация Ассоциации профсоюзов
«Белорусский Конгресс демократических профсоюзов»



МОЛАДЗЬ, ТПРУ!



ПАНІ ЯРМОШЫНА МАЛЮЕ ПАРТРЭТ "ПАРЛАМЕНТА", ПЕРАД РАБОЧЫМІ ТУДЫ ДАЎНО ПАСТАЎЛЕНЫ ШЛАГБАУМ, ЗАРАЗ ЧАРГА  --МОЛАДЗІ


Прыкметы палітычнага злачынства: ва ўсіх афіцыйных выданнях, эфірных і друкаваных, адчынены вароты для Лідзіі Ярмошынай. Я наўмысна не называю яе пасады, бо лічыць, што ў нас маецца Цэнтральная камісія па правядзенню выбараў і рэферэндумаў, было б верхам лёгкадумства. Гэта, хутчэй, сервісная кантора па афармленню асобных, асабліва важных жаданняў.
Адхілюся ў бок на пару метраў. Не так даўно ўлады ўзнагародзілі сацыялагічнага прафесара з БДУ, па-мойму, медаллю. Ведаеце, чым ён ганарыцца? Тым, што вынікі праводзімых ім апытанняў практычна да лічб за коскамі супадалі  потым з афіцыйнымі вынікамі. Гэта ж які нюх!
Чынавенства ў так званай ЦВК мае нюх не горшы, чым прафесарскі.
І з чым жа выходзіць у эфір сумна вядомая пані? І ў чым прыкметы палітычнага крыміналу? Кандыдатам у дэпутаты, альбо, дакладней, манекенам, і тым не менш, фігурам грамадскай дзеі будуць адведзены мізэрныя хвіліны, не ў самы лепшы час. Яго будуць вызначаць па жэрабю, замяраць з секундамерамі,  прыслухоўвацца і прынюхвацца да кожнага слова, выкрэсліваць любую вольнасць. А тут на сподачку – усё лепшае!
Аб чым ідзе гаворка? Пані пярэстым шлагбаумам раскідвае ўшыркі рукі: моладзі няма чаго пнуцца ў дэпутаты! Яны ж толькі і ўмеюць, што чытаць і пісаць!
Імкненне  моладзі ў дэпутаты названа недальнабачным і палітычна шкодным. Во як!
А тое, што ў так званым парламенце няма ніводнага рабочага, гэта не шкодна палітычна?
Але хто ёй будзе задаваць такія пытанні…
Пасыпаўся з дзіравага меху боб з гарохам.
 Для цяперашніх дэпутатаў, будзем шчырымі, не вельмі і патрэбна ўменне пісаць. Законы пішуцца ў другіх месцах, паспявай толькі на кнопку ціснуць. Ды і чытаць тыя праекты не абавязкова, вы чулі калі-небудзь істотныя заўвагі, пярэчанні,  катэгарычнае непрыйманне іх? Вы бачылі разумныя артыкулы, ашаламляльныя ідэі? Мне не даводзілася.
Узрост і адсутнасць вопыту у маладых дэпутатаў? Ну, у нас увогуле і малалеткі могуць прадстаўляць краіну ў сусветных арганізацыях, не тое што ў мясцовай палаце. Не туды гне пані з ЦВК.
Яна нібыта з глузду з’ехала, убачыўшы прыроду фармавання апазіцыі ў патуранні амбіцыям маладых палітыкаў. Вунь трапілі такія ў Вярхоўны Савет 12 склікання, і потым не захацелі вяртацца на ранейшую працу ў школу, на завод, у рэдакцыю. У апазіцыю паперліся. Адсюль і бяда!
Няўжо цяжка ўцяміць, наколькі больш чэсна пайсці ў апазіцыю, каб дамагацца праўды, чым не вярнуцца ў свой Бабруйск, асесці на ўсё жыццё ў казённым кабінеце, рабіць выгляд шчыравання для шчасця народнага і бясконца вучыць яшчэ цёмны народ, які не вельмі разумее, у чым яго шчасце?!



14.04.2016











spbpolack.ru – Свободный профсоюз - Полоцк.



Белорусский конгрес демократических профсоюзов -  www.bkdp.org




Представляем вашему вниманию статьи, отображающие мнения конкретных людей - это профсоюзные активисты, политики и просто не равнодушные...

Все статьи »



Свободный профсоюз металлистов (СПМ)объединение работников отраслей народного хозяйства
связанных с металлом.



Главная  |  О профсоюзе  |  Газета «Рабочее слово»  |   Фотоархив  |  Контакты

При перепечатке материалов, активная ссылка на сайт обязательна.
Copyright © 2006-2019


Контакты
Республика Беларусь
г.Минск, ул.Якубова, 80-80
Наши телефоны: +375 (29) 6238204, +375 (29) 3405570
CMS Status-X